के तपाई घर बनाउने सोच गर्दै हुनुहुन्छ??

घर बनाउँदा सबै भन्दा प्राथमिक कुरा जग्गा हो र जग्गा किन्दा एक दमै ध्यान दिन पर्ने देखिन्छ | जग्गा रहेको ठाउँ को बाटो को मापदण्ड कति हो, बाटो कत्रो छ,बाटो जग्गा को कुन कुन दिशामा छ ,बाटो  बढ्ने खालको हो कि हैन, बाटो मा कति जग्गा जान्छ , हाईटेन्सन लाइनको  नजिक जग्गा अवस्थित छ कि छैन ,छ भने कति नजिक छ , राजकुलोले जग्गा लाइ छुन्छ कि छुदैन, जग्गा कतिको भिरालो छ  र त्यस जग्गामा मापदण्ड अनुसार को घर बनाउन उपयुक्त छ कि छैन भन्ने कुरा हरुलाई मध्यनजर गरेर मात्र जग्गा किन्नु पर्ने हुन्छ | हामीले काम को दौरानमा थुप्रै मान्छे हरुले जग्गा किन्दा माथि उल्लेखित कुरामा ध्यान नदिएर पछुताएको देखेका छौ | अब जग्गा किनिसकेपछी कुरा आउँछ नक्सा बनाउने, कसलाई  लगाउने त नक्सा बनाउन, सस्तो मा फलानो ले नक्सा बनाइदिन्छ  भनेर नक्सा बनाउने प्रचलन नि थुप्रै देखिन्छ र पछी नक्सा चित्त बुझ्दो नहुँदा मान्छेहरु विभिन्न ठाउँ मा भौँतारेकापनि हाम्ले देखेका छौं, त्यसैले  दुईचार पैसाको लोभ नगरी नक्सा बनाउँदा दक्ष प्राबिधिक छानेर मात्र नक्सा बनाउन पर्छ | नक्सा बनाउँदा आफ्नो आवश्यकता के हो डिजाइनरलाई प्रस्ट रुपमा राख्नु पर्छ जसले गर्दा डिजाइनरलाई डिजाइन गर्न पनि सजिलो हुन्छ र आफ्नो आवश्यकता अनुसार को नक्सा पनि बन्छ | नक्सा मात्र राम्रो भएर त भएन नि नक्सा अनुकुलको घर बनाउन सक्ने खालको दक्ष ठेकदार पनि छान्नुपर्छ |  ठेग्दार सस्तो छान्ने तर काम कतिको राम्रो गर्छ भन्ने चाहिं हेक्का नाराख्दा मान्छे हरुले धेरै दुख र हैरानभएको कुरालाई नकार्न सकिन्न |गाउँघर तिर का विभिन्न लोकल ठेग्दारहरु अहिलेको आधुनिक डिजाइनप्रति खासै परिचित भएको पाइन्न र उनीहरुलाई स्टरक्चर को खासै ज्ञान नहुने र भूकम्पप्रतिरोधात्मक शिक्षा को ज्ञान को ज्ञान पनि कमि भएको हामीले पाएका छौं र आफ्नै ढंग ले घर बनाइदिनेगर्छन र सो नक्सा अनुकुल नहुँदा मान्छे हरु पछुताउँछन् | घर बनाउँदा आर्किटेक्चर मात्रै नभई स्टरक्चरमा पनि उतिकै ध्यान दिन पर्छ | अझ प्राबिधिक नै खटाएर राम्ररी रेखदेख गर्नु पर्छ | डन्डी कसरी बानेको छ, मसला घोल्दा मिश्रण के कति छ, भाइब्रेटर ठिक तरिकाले लगाको छ कि छैन, यी कुरा हरुले पनि घर को मजबुतीमा अहम भूमिका निर्बाह गर्दछ | अहिले को बेस्त जीवनमा घरधनीले पनि पूर्णसमय दिनसक्ने अवस्था हुँदैन त्यसैले राम्रो कन्स्ट्रक्सन कम्पनी खोजी कन्स्ट्रक्सन कम्पनीलाई दिने प्रचलनपनि बढेको पाइन्छ | कन्स्ट्रक्सन कम्पनीलाई दिंदा पनि TOR बनाउनु पर्छ, भोलीकेही अफ्टेरोअवस्था पर्दा यो कागजातले दुवैपक्षलाई हिजोका दिनमा गरेको सहमतिको आभास दिलाउँछ | यसरी जग्गाकिन्दा, नक्सा बनाउँदा, नक्साअनुरुपको ठेक्दार लगाउँदा र कस्तो सामानको प्रयोग गर्ने भन्ने कुरा मा राम्ररी ध्यान दिन सक्यौंभने बलियो र राम्रो घर निर्माण गर्न सकिन्छ |